اقوى ملخص فيزياء فيزياء3ث👌

اقوى ملخص فيزياء فيزياء3ث👌

  • الخميس ٢٢ أبريل ٢٠٢١ - ١٠:٣٥ م
  • 103

للناس اللى عايزه تقفل فيزياء3ث👌. ياريت تركز فى 
متكسلش كلام مهم جدا جدا

١- خلى بالك لما يقولك قطع جزء من الملف وتوصيل ماتبقى بنفس المصدر (البطاريه) التيار هيزيد لأن المقاومه قلت ،أما لو قال نفس التيار مش هنغير التيار.

٢- نقطة التعادل للأسلاك دايما فى منطقة طرح علشان بيكون المجالين عكس بعض وبتكون أقرب للسلك الأقل تيار .
*أما لو طلب نقطه بتكون عندها كثافة الفيض اكبر مايمكن يبقى العكس منطقة جمع واقرب للتيار الأكبر

٣- خلى بالك فى الأوميتر لو قالك تم توصيل مقاومه خارجيهRx=مقاومة الجهاز'R يبقى المؤشر هينحرف للنصف ولو الخارجيه ضعف الجهاز هينحرف للتلت ولو ٣ امثال يبقى للربع وهكذا يعنى زود واحد واقلب خليك ناصح أو إحفظهم👍.

٤- أما فى الأميتر لو سألك ماهى قيمة المقاومه التى تتصل توازى مع الجلفانومتر لتقليل الحساسيه للنصف هتبقى Rs = Rg.
*ولو االحساسيه هتقل للتلت تبقى Rs= Rg/2 
ولو للربع تبقى Rg/3 = Rs ومعاك قانون الحساسيه او المجزأ تتاكد منه Ig/I = Rs/Rs+Rg.

٥- أما الفولتميتر لو وصلت Rm =Rg الحساسيه تقل للنصف لو Rm ضعف هتقل الحساسيه للتلت وهكذا وبرضه معاك قانون الحساسيه Vg/V = Rg/Rg+Rm.
*ومتنساش المدى عكس الحساسيه ده يزيد دى تقل.

٦- عند سقوط ضوء على معدن وتحرير الاكترونات عددها بيزيد لو زودنا شدة الضوء الساقط يعنى من باهت لساطع او قربنا مصدر الضوء .

٧- طاقة حركة الالكترونات المتحرره بتزيد لو زودنا طاقة الضوء الساقط او تردده او قللنا طوله الموجى يعنى غيرنا اللون من احمر مثلا لاصفر برتقالى اخضر وهكذا.

٨- تعمل المفاعله الحثيه علي مقاومة التيار المتردد عن طريق معدل التغير في شدة التيار .

٩- تعمل المفاعله السعويه علي مقاومة التيار المتردد عن طريق معدل التغير في الجهد .

١٠- لا تتوقف قيمة عزم ثنائي القطب المغناطيسي علي وضعية الملف ، وانما تتوقف علي I , A , N فقط ، وهي كميه متجهه واتجاهها دائما عمودي علي الملف ، ويمكن تحديد اتجاهها بقاعدة البريمه اليمني . واللى بيحدد اتجاهه هو إتجاه التيار.

١١- تنعدم شدة التيار الكهربي في الخليه الكهروضوئية في حالتين إما بسقوط ضوء تردده أقل من التردد الحرج لسطح الكاثود او لو وصلنا الانود بقطب سالب يعنى عكسنا الأقطاب كده الإلكترونات مش هتروح للأنود علشان متوصل بسالب👌

١٢- تنعدم المفاعله الحثيه للملف إما بتوصيله بمصدر تيار مستمر أو بلفه لف مزدوج . خلى بالك من لف مزدوج دى ☝️

١٣- تقترب شدة الإشعاع الصادره من جسم مشع من الصفر عند الأطوال الموجيه القصيره جدا (تنعدم) والكبيره جدا (تكاد تنعدم) كما هو واضح في منحني بلانك للإشعاع . 

١٤- يمكن علاج اضمحلال الشحنه الكهربيه في الدائره المهتزه بتغذيتها كل فتره بشحنات إضافيه من البطاريه .

١٥- المقاومه الكهربيه لا تتوقف ولا تتناسب مع شدة التيار عكسيا ، ولكن شدة التيار هي التي تتناسب مع المقاومه الكهربيه عكسيا .
*يعنى زى ما كنا بنقول فى الحصه فاكرين؟ ( المقاومه تأثر فى التيار لكن التيار ميأثرش فى المقاومه )🤔

١٦- الإتزان في الجلفانو هو تساوي عزم ازدواج الملف مع عزم اللي في الزنبركات وعندها يتوقف مؤشره عند قراءه معينه .

١٧- الإتزان في الاميتر الحراري هو تساوي مقدار الطاقه الحراريه المتولده فيه مع مقدار الطاقه المفقوده منه وعندها يقف تمدده ويستقر المؤشر عند قراءه معينه .

١٨- لو عندنا دائره فيها مصدر متردد ومكثف وملف بس ، ساعتها يبقي جهد المصدر هو الفرق بين جهد الملف وجهد المكثف (VL-Vc ) الزاويه بينهم 180 

١٩- في مسائل المحول ،، اي معطيات خاصه بالجهاز المتصل به راديو مثلا او مروحه ، تبقي علي طول s بمعني ،، لو قال جهد المروحه عشره فولت تبقي دي Vs وهكذا , طب ليه ؟؟ لأن اي جهاز دايما بنوصله مع ملف المحول الثانوي، والمصدر هو الإبتدائى.

٢٠- لا يعمل المحول الكهربي بالتيار المستمر لأن التيار المستمر يولد مجال مغناطيسي ثابت فلا يؤثر علي الملف الثانوي إلا لحظتي فتح وغلق مفتاح الملف الابتدائي .

٢١- سؤال وحدات القياس هتلاقيه غالبا بيلعب في قانون فاراداي وقوانين الحث الذاتي والمتبادل . ومعامل النفاذيه ( و فى فيديو ف اول كومنت بيشرح طريقة الاكواد ) 

٢٢- حاجز جهد السطح هو قوة تجاذب تمنع الالكترون من تحرره من سطح المعدن .

٢٣- دالة الشغل هو أقل طاقه تكفي لتحرير الكترون من سطح المعدن دون اكسابه طاقة حركه . 

٢٤- يمكن الاستماع الى محطة اذاعه معينه عند تساوي تردد دائرة الرنين داخل جهاز الراديو مع تردد المحطه المراد سماعها ، z=R والمعاوقه = المقاومه  حتى لوغيرت المحطه .(رنين تانى)

٢٥- لا يبدأ الموتور ( المحرك ) دورانه أبدا 🤚 إلا من وضع الموازي للمجال حتي يمر في ملفه تيار فيتحرك .

بالتوفيق للجميع 💜


الاقسام : المناهج التعليميه